最近感悟：
《令老嘢偷偷點頭的14事》
1. 經常飲熱飲，並以此為傲。
2. 同朋友約出去飲嘢，興高采烈，心諗難得出去必定要好好打扮一番，點知都未去到已經覺得攰。
3. 承上，年輕一點時最在意飲嘢地方有冇靚仔，而家最在意嘅係地方要夠靜，老子要同朋友傾偈！
4. 發現欣賞嘅演員原來比自己年輕。
5. 買酒飲俾人查身份證，睇下夠唔夠秤。以前會覺得被刁難，而家竟然會覺得開心。
6. 經常俾年份嚇親，例如縈住1995年只係15年前，但原來已經係25年前。
7. 打乞嗤越嚟越大聲。
8. 同陌生人寒暄，對方唔再問你讀書定做嘢，而係直接跳過所有嘢，問你有小朋友未。
9. 新歌聽極都唔識唱，舊歌一播即琅琅上口。
10. 「寧願畀多少少錢都唔想行咁遠」、「寧願畀多少少錢都唔想受佢氣」、「寧願畀多少少錢都唔想買到流嘢」，開始有「寧願畀多少少錢」嘅思維。
11. 喺梳化瞓著，第日呻腰骨痛。
12. 望住「新興」嘅潮流，心諗：「嘩，又興返喇？」
13. 開始唔明啲潮語噏乜。
14. 喜歡想當年，同老嘢朋友一起想當年。
IG: sis3ter
Search